ఇది, నా మాట.

చిక్ బల్లాపూర్  లో ఈ వారం ,  మొన్న శనివారం అనగా మూడో తారీకు పొద్దునే బెంగుళూరు నుండి వచ్చామిక్కడికి ఒక వారం దీపావళి సందర్బంగా ఇక్కడ విల్లా లో గడపడానికి. ఈ విశాలమై  శ్వేత ప్రశాంత  కట్టడం,ఎంతో ఆహ్లాదకరంగా ఉంటుంది. అన్విక ఆటలకు అనువైన సౌధం . చుట్టూ బోలెడన్ని పూల మొక్కలు ,ఇంటిముందట ఒక చిన్న నీటి చిచ్చు బుడ్డి ,పక్కనే నాకెంతో నచ్చే "సింగపూర్ చెర్రీ " గా పిలవ బడే "కొక కోలా " చెర్రీ (ఇది నా nomenclature ) గొడుగు లాంటి ఎర్రని తీపి పళ్ళ పర్ణశాల మొక్క . ఈ పర్ణశాల  మొక్క వెనకాలే  మా అన్విక  కోసం ,తనకి ఎంతో ప్రీతి పాత్రమయిన  "ఉయ్యాలయినా ,జంపాలైనా "  మరియు   1 ,2 , 3 జుయ్ జుయ్  "జారుడు  బండ " సరే , ఇక మా అందరికీ కూడా సరదా గా తిరగడానికి పెద్ద విశాలమైన తోట . ఒకటే ఇక్కడ ఇబ్బంది కోతులు ,ఒక దండు హఠాత్తుగా దూకుతుంది ఏ మూలనుండో ,దండు రాగానే మేము తోక ముడిచి ఇంట్లోకి,తప్పదుగా చిన్న పిల్ల మా వెంట ఉందిగా .  సరే దీపావళి మందు రోజు హాయిగా కొన్ని పువ్వు వొత్తులు,భూ చక్రం అన్విక కి చూపించాము...