రోమా ( రోమ్ ని ఇలానే అంటారు ఇటాలియన్లు ) లో మొదటి రోజు విహారం - Part 1

ఇదిగో! మా ఇటలీ  గూటి ముఖచిత్రం 

ఇవ్వాళ మూడవ రోజు ,

నిన్న ద్వితీయ విఘ్నం కాలేదుగా ,ఇంక ధోకా లేదు ,కొనసాగుతుంది " బ్లాగు ", భారతీయ క్రికెట్ జట్టు సారధి ధోనీ ,ఉన్నంత వరకూ ,మన ఇన్నింగ్స్ కి భరోసా ఉన్నట్లు ... 

(ఒక స్మైలీ ముద్రిద్దామంటే కుదరలేదు )

సరే కథలోకి ,

మా హిందీ మాత్రమే తెలిసిన అవధూత్ సహా,మేమందరం  డ్రైవర్ ని ....వేయి కళ్ళతో ,దుర్భిణీ వేసినంత పనీ చేసి ఆఖరున , పట్టుకుని , ఆ రాత్రి బస చేసే "ఐబిస్ " హోటల్ చేరుకున్నాము .

ముందే వార్నింగ్ ఇచ్చినట్లుగా ,సామాను ఎవరిది వారే మోయాలి,లాగాలి ,భుజానికో, మెడకో 

( గొంతుకు ఉరి వేసినట్లు కాకుండా ,జాగ్రత్తగా ) తగిలించుకు మనకి , నిర్దేశించబడిన గూటికి

( గూడు ) చేరాలి .  ఇదేమంత సులభం కాదు . ఒక్కోసారి ఒకే గ్రూప్ లో వారికి తలా ఒక అంతస్తు లో  నూ రావొచ్చు . 

సరే మొత్తానికి  అవధూత్ జీ ,ఎవరి తాళాలు వారికిచ్చిన వెంటనే ,సామానూ మనుషులూ దొర్లుకుంటూ(దొర్లించుకుంటూ? నా )  గూడుకి చేరాము .. సుమారు 20 గంటలు తరువాత , వివిధ వాహనాల సాయంతో , 

ఇటలీ లో చక్కటి వెచ్చటి గూడు కి చేరాము. 

మా BONTON HOLIDAYS వారు మంచి హోటలే సమకూర్చారు!

Lounge లో ,మా వాళ్లు ,ఆ వెనకాల పానెల్ లో నిజమైన పచ్చిక .. అంటారు  వారు (నాకు కాదని తెలుసు )

సరే ,మా అవధూత్ గారు చెప్పినట్లు బుద్ధిమంతుల్లా ఉదయం పెందలకడనే లేచి ,ముఖ ప్రక్షాళన చేసి ,తరువాత

హోటల్ వారు సమకూర్చిన వేడినీటి వసతి వాడుకుని స్నానమాచరించి ... పారిపోకండి ,స్టైల్ మారుస్తా

తయారయి , హోటల్ వారిచ్చే కాంప్లిమెంటరీ బ్రేక్ -ఫాస్ట్ పూర్తిగా న్యాయం చేయడానికి ప్రయత్నించి (సిగ్గులేకుండా )

మన భారతీయుల పరువు మనొక్కరి చేతుల్లోనే ఉందేవిఁటి ? అన్నట్లు  తిని ,

అసలు కథ ఇప్పుడే మొదలు ,ఇంతవరకూ చూసిందీ ,మీకు చెప్పిందీ మా యూరోప్ టూర్ "టైటిల్సే "..

ఇప్పుడు  గైడెడ్ టూర్ మొదలు ,దేవానంద్ కంటే రెండాకులు ఎక్కువ ఊగిసలాడే రోమన్ కాథలిక్ గైడ్ మా గైడ్ .

మొదటగా మమ్మల్ని సుమారుగా 1900 సంవత్సరాల క్రితం కట్టబడిన amphitheatre, Colosseum కి తీసుకెళ్లాడు . ప్రపంచంలో ఇప్పటికీ అతిపెద్దది . రాతితో నిర్మాణం చేయబడిన కోడిగుడ్డు ఆకారం లో ఉన్న అతి పురాతన కట్టడము

ఈ , COLOSSEUM  జ్ఞాపకాలు సంతోష కరమయిన సంఘటనలతో కూడుకున్నది కాదు

ఇందులో క్రూర జంతువులతో బానిసలని ప్రాణం కొరకు పోరాటం చేయమని ఉసి కొల్పి ,అదొక క్రీడ లాగా చూసి ఆనందించే వారు ఆనాటి రాజవంశీయులు .

సుమారు నాలుగు వందల సంవత్సరాలు ఈ విధంగా ఉపయోగించబడింది

ఆ తర్వాత చారిత్రిక పరిణామాల రీత్యా పద్దెనిమిదవ శతాబ్దం వరకూ నిరాదరణకు గురై నది . 1800 నుండి ఒక ముఖ్యమయిన పురాతన చారిత్రిక కట్టడంగా నేటి వరకూ రోమ్ లో లక్షలాది యాత్రికుల దర్శనా స్థలమయింది .

ఈ కట్టడానికి పక్కనే ,మన BENHUR  సినిమాలో Chariot రేస్ మొదలగు గుర్రపు  పందాల మైదానం మొదలగునవన్నీ ఉన్నాయి . ఇవ్వన్నీ మా దేవానంద్ గైడ్ ,ఊగుతూ తూగుతూ వివరిస్తూంటే మాలో కొందరికి మైకం వచ్చి గభాలున పక్కన వాళ్ళని పట్టుకుని నిలతొక్కుకున్నారు!

మా దేవానంద్ గైడ్ ,Colosseum వెనక గా కనిపిస్తున్నది

అక్కడే పక్కన ఒక Museum

అక్కడి సుందరమయిన వీధులు,భవనాలు